Vrijwilligers

Bèste vrijwilliger,

Vaer stoon wir aon de start van ôs volgend karnevalssezoen en vaer weense d’r wir e spetterend sezoen van te maoke. En vaer hope dat saome met uch te doen.

Vaer raeèkene wir volop op ôzze sterke groep vaan vrijwilligers. Vaer höbbe dan ouch wir hiel gèt activiteite vur de deur stoon. Vaer somme heij effe op vur welke activiteite vaer gaere beroep doen op uch vrijwilligers.
Opening sezoen 11/11/2017 KERKPLEIN
Proonkzitting 25/11/2017 CULTUREEL CENTRUM
Jeugdpreensekeezing 6/01/2018 CULTUREEL CENTRUM
Preensekezing 6/01/2018 CULTUREEL CENTRUM
Kindernaomiddeg 10/02/2018 CULTUREEL CENTRUM
Aajjtwieverbal 10/02/2018 CULTUREEL CENTRUM

Ôzze vrijwiligers zien vaer ooch gaere as nit gewêrrek môt weure …
* Nuijaorsreceptie (gezellige aovend met e hepke en e drenkske um kontak te lègge mèt de raodslede en ouch um kinnes te maoke met de nuije preens en jeugpreens(es)).
* Blauw Sjuut (Traditie euvergeweijd oet Heerle deij de vastelaovend aonkondig ien gaans Limburg en boevaan de boot ooch aanmeert ien Laoneke).
* Veurstèlling Bessemgezet. (Nit te misse evenemeent ien ‘t gemeintehoes mèt versjillende spraekers o.a. iemes van de redactie, de börgemeister en de veurzitter, en ne gasspraeker (veurbeije jaore waor dat o.a. de veurzitter  van ‘t vlaoms parlemeent, de gouverneur van Belsj Limburg en Hollands Limburg, ne bekinde politieker, …). De Belleman keump de gezette oetdeijle en de kins dees begeerde gezet al dezelfde aovond mèt nao hoes numme.)

Aste goosting höbs vur mèt te hellepe op eijn van ôs activtiteite maogste altied kontak opnumme mèt ôs raodslede Martijn Nickmans en Erik Tollenaers. De maogs ouch altied extra luij mètnumme. Vaer zien uch daankbaar.

Onderwerp : Vrijwilliger.