Preens Jordy I
Ien het echte laeve neump her Jordy Janssen. Her ès saome met ziene partner Joeri Roox en woent op de Bessemerstraat ien Laoneke. Zien awwers zien Aaijt preens en raodslid Patrick I en Petra Thijs (baeter bekind as dat meidske aan de kassa van de carrefour). Zien groetawwers langs pa ziene kaant zien Jaak Janssen (+) en Jetje Opdenakker en langs ma häöre kaant Huub Thijs en Marita Deroye.
Her ès ouch lid bij de Klungelère wat 1 x 11 jaor bestoon. Her ès gebore op 28 april 1996 en ès dus 28 jaor. Zien beste vrun zien Robin Ector, Yarka Gijsen en Yentl Schoofs.
Er werrek ès spoedeisendehulpverpleegkundige op het UMC ien Mestreech. Zien hobby’s zien duuke (waarschijnlek ien een glaos beer), gezellig saome zien met vrun en natuurlek carnaval vieren.
Jeugpreens Lowie II
Ien het dagelijkse laeve neump her Lowie Melotte. Her woent saome met papa Johan Melotte en mama Veerle Geris en zien 2 zusterkes Kaat en Fien op de Koning Albertlaan ien Laoneke. De awwers waore vreuger ouch lid van het “Roet Kruus” ien Laoneke. Her ès gebore op 10 juni 2013 en ès dus 12 jaor.
Zien groetawwers zien langs papa ziene kaant Frans Melotte en Aline Hustinx. En langs de mama häöre kaant Thomas Geris en Odette Geuns. Peter es opa Thomas Geris en meter es Anne Geris. Her geit nao sjaol op LINC PARC bij Juf Freya en meister Peter ien het 6de studiejaor. Zien Hobby’s zien voetballe bij d’n LVV en Chiro Sprokkel ien Gellik.
Jeugpreens Mats I
Ien het dagelijkse laeve neump her Mats Veugen. Her woent saome met papa Joeri Veugen en mama Inge Kleynen en zien breurke Lasse op de Wiengaardstraot ien Laoneke. Papa Joeri en mama Inge waoren jaorelaank lid bij “het Roet Kruus” ien Laoneke en papa Joeri is ouch redactielid bij de bessemgezet. Her ès gebore op 14 december 2014 en dus nog nit zoe lang 11 jaor.
Zien groetawwers zien langs papa ziene kaant Tony Veugen en Josy Miermans en langs de mama häöre kaant Ludo Collas en Marleen Kleynen. Peter es Tony Mariale en meter es Liesbeth Hustinx. Her geit nao sjaol op de Jan Rosier bij Juf Laura ien het 5de studiejaor. Zien Hobby’s zien scouts Neerharen, ATLA, Muziekacademie ien Gellik (piano, toneel en hiel väöl zinge).
Preenseleedjes
*under construction